Navjot Singh Sidhu Net Worth 2025: क्रिकेटपासून राजकारण आणि टेलिव्हिजनपर्यंत आपल्या खास शैलीसाठी प्रसिद्ध असलेले नवजोत सिंग सिद्धू (Navjot Singh Sidhu) कोट्यधीश आहेत. त्यांची संपत्ती किती आहे आणि त्यांच्या उत्पन्नाचे प्रमुख स्रोत कोणते आहेत, जाणून घ्या सविस्तर माहिती.
नवजोत सिंग सिद्धू – एक बहुआयामी व्यक्तिमत्त्व
नवजोत सिंग सिद्धू हे भारतीय क्रिकेट, राजकारण आणि टेलिव्हिजनच्या क्षेत्रातील एक प्रमुख नाव आहे. आपल्या खास बोलण्याच्या अंदाजामुळे आणि “ठोको ताली” या प्रसिद्ध वाक्यामुळे ते कायम चर्चेत राहिले आहेत. क्रिकेटमध्ये एक आक्रमक फलंदाज म्हणून नाव कमावल्यानंतर त्यांनी राजकारण आणि मनोरंजन क्षेत्रातही स्वतःचे स्वतंत्र स्थान निर्माण केले.
संपत्ती आणि कमाईचे स्रोत (Navjot Singh Sidhu Net Worth & Income Sources)
नवजोत सिंग सिद्धू यांची एकूण संपत्ती ₹45.37 कोटी इतकी असल्याचा अंदाज आहे. त्यांच्या उत्पन्नाचे मुख्य स्रोत खालीलप्रमाणे आहेत:
✅ क्रिकेट करिअर: भारतीय संघाकडून खेळताना त्यांना सामने, पुरस्कार आणि जाहिरातींमधून मोठे उत्पन्न मिळाले.
✅ कमेंट्री आणि टीव्ही शो: क्रिकेटमधून निवृत्त झाल्यानंतर सिद्धूने कमेंट्रीमध्ये स्वतःला सिद्ध केले. ‘सिक्सर सिद्धू’ म्हणून ते ओळखले जातात.
✅ राजकीय कारकीर्द: खासदार, आमदार आणि मंत्री म्हणून त्यांना चांगले उत्पन्न मिळाले.
✅ फिल्म आणि जाहिराती: सिद्धूने काही बॉलिवूड चित्रपटांमध्येही भूमिका केल्या, ज्यामुळे त्यांच्या कमाईत भर पडली.
✅ अचल संपत्ती: अमृतसर आणि पटियाला येथे त्यांचे करोडोंचे बंगले आहेत, तसेच BMW, Audi आणि Mercedes यांसारख्या आलिशान गाड्यांचे कलेक्शनही त्यांच्याकडे आहे.
क्रिकेट करिअर (Navjot Singh Sidhu Cricket Career)
1981-82 च्या मोसमात सिद्धूने प्रथम श्रेणी क्रिकेटमध्ये पदार्पण केले, तर 1983-84 मध्ये भारतीय संघात स्थान मिळवले. मात्र, सुरुवातीच्या काही सामन्यांमध्ये ते प्रभावी ठरू शकले नाहीत. पण 1987 च्या विश्वचषकात त्यांनी 4 अर्धशतक झळकावून संघासाठी महत्त्वाची भूमिका बजावली.
त्यांनी 51 कसोटी आणि 136 वनडे सामने खेळले, ज्यात त्यांनी अनुक्रमे 3,202 आणि 4,413 धावा केल्या. त्यांच्या नावावर 15 आंतरराष्ट्रीय शतक आणि 32 अर्धशतक आहेत. आक्रमक फलंदाजीसाठी प्रसिद्ध झालेल्या सिद्धूंना “सिक्सर सिद्धू” असे टोपणनाव मिळाले.
राजकारणातील प्रवास (Navjot Singh Sidhu Political Career)
क्रिकेटमधून निवृत्त झाल्यानंतर सिद्धूंनी राजकारणात प्रवेश केला. 2004 मध्ये ते भारतीय जनता पक्षाकडून (BJP) अमृतसर लोकसभा मतदारसंघातून खासदार झाले. 2009 मध्ये त्यांनी पुन्हा विजय मिळवला. मात्र, 2016 मध्ये त्यांनी भाजप आणि राज्यसभेचा राजीनामा दिला आणि काँग्रेसमध्ये प्रवेश केला. 2017 मध्ये ते अमृतसर ईस्ट विधानसभा मतदारसंघातून आमदार झाले आणि पंजाब सरकारमध्ये मंत्रीपदही भूषवले.
🔴 हेही वाचा 👉 पाकिस्तानला ICC कडून मोठा धक्का, तक्रारी करूनही मिळणार नाही उत्तर!.
टेलिव्हिजन आणि मनोरंजन क्षेत्र (Navjot Singh Sidhu Television & Entertainment Career)
क्रिकेट आणि राजकारणासोबत सिद्धूने टीव्ही क्षेत्रातही स्वतःची ओळख निर्माण केली. ते ‘द ग्रेट इंडियन लाफ्टर चॅलेंज’ आणि ‘कॉमेडी नाईट्स विथ कपिल’ या शोजमध्ये जज म्हणून झळकले. त्यांचे विनोदी संवाद आणि ‘सिद्धूइझ्म’ प्रेक्षकांमध्ये प्रचंड लोकप्रिय झाले.
त्याशिवाय त्यांनी ‘मुझसे शादी करोगी’ आणि ‘ABCD 2’ या चित्रपटांमध्ये छोट्या भूमिका साकारल्या आहेत.
🔴 हेही वाचा 👉 रोहित शर्मा मुंबईत परतला; विमानतळावर चाहत्यांची मोठी गर्दी, पोलिसांना काढावे लागले बाहेर.
