IND VS NZ Champions Trophy Final Wasim Akram Prediction: भारत आणि न्यूझीलंड (IND vs NZ) यांच्यात ICC चॅम्पियन्स ट्रॉफी 2025 चा अंतिम सामना 9 मार्च रोजी दुबई इंटरनॅशनल स्टेडियमवर रंगणार आहे. भारताने आतापर्यंत दोन वेळा (2002 आणि 2013) ही ट्रॉफी जिंकली आहे, तर न्यूझीलंडने 2000 मध्ये पहिल्यांदा विजेतेपद पटकावले होते. या प्रतिष्ठेच्या सामन्यापूर्वी पाकिस्तानचा माजी दिग्गज वेगवान गोलंदाज वसीम अक्रम याने मोठे वक्तव्य करत सांगितले की, “भारतासाठी हा सामना सोपा नसेल, न्यूझीलंडला कमी लेखणे भारताला धोकादायक ठरू शकते.”
“भारत प्रबळ दावेदार, पण न्यूझीलंडला कमी लेखू नका” – वसीम अक्रम
वसीम अक्रमच्या मते, टीम इंडिया जरी चॅम्पियन्स ट्रॉफी जिंकण्यासाठी प्रबळ दावेदार असली तरी न्यूझीलंडला कमजोर समजणे चुकीचे ठरेल. त्याने सांगितले, “ही मॅच 70-30 चा लढा नसून 60-40 टक्के शक्यता असलेली लढत असेल. भारताकडे 60% जिंकण्याची संधी आहे, तर न्यूझीलंडही 40% शक्यता राखून आहे.”
त्याने पुढे सांगितले की, न्यूझीलंडचा संघ दुबईमध्ये तुलनेने कमी सामने खेळला आहे, त्यामुळे त्यांना थोडा अडथळा जाणवू शकतो. मात्र, रचिन रवींद्र, मिचेल सॅंटनर आणि मायकेल ब्रेसवेल हे तीन फिरकीपटू भारतीय फलंदाजांसाठी मोठा धोका ठरू शकतात.
🔴 हेही वाचा 👉 Hasin Jahan Net Worth: शमीपासून वेगळी झालेली हसीन जहां कोट्यधीश, मोहम्मद शमी देतो दरमहा ‘इतके’ रुपये पोटगी.
संघांचा आतापर्यंतचा प्रवास कसा राहिला?
टीम इंडियाचा विजयाचा प्रवास:
- ग्रुप स्टेज:
– बांगलादेश विरुद्ध विजय
– पाकिस्तान विरुद्ध विजय
– न्यूझीलंड विरुद्ध विजय
- सेमीफायनल:
– ऑस्ट्रेलिया विरुद्ध ऐतिहासिक विजय
न्यूझीलंडचा प्रवास:
- ग्रुप स्टेज:
– पाकिस्तान विरुद्ध विजय
– बांगलादेश विरुद्ध विजय
– भारताविरुद्ध पराभव
- सेमीफायनल:
– दक्षिण आफ्रिका विरुद्ध मोठा विजय
सामना कधी आणि कुठे?
📅 सामना: 9 मार्च 2025
🏟️ स्थळ: दुबई इंटरनॅशनल स्टेडियम
⏰ वेळ: दुपारी 2:30 (भारतीय प्रमाण वेळेनुसार)
🔴 हेही वाचा 👉 हार्दिक पांड्या आऊट झाल्यानंतर का हसला? अखेर स्वतःच केला खुलासा.
